Тавтай морилно уу!

Гиннесийн сонирхолтой дээд амжилтууд

Дэлхийн хамгийн их борлуулалттай бөгөөд тэр хэрээрээ хамгийн их хулгайд алдагддаг ном бол “Гиннесийн дэлхийн дээд амжилтууд” билээ. 

 


Сүү “цацруулагч” нүд 
Туркийн иргэн Илкер Илмаз гэх энэ эр хамгийн хол зайд нүднээсээ сүү шүрших энэхүү сонирхолтой үзүүлбэрээрээ 2004 онд Гиннесийн дэлхийн дээд амжилтыг тогтоожээ. Тэрээр 279.5 см зайд нүднээсээ сүү цацруулсан бөгөөд энэ явдал Истанбулын “Армада” зочид буудалд болсон байна.


Хамгийн "нарийхан" бэлхүүс 
Кейти Жүн гэх энэ хатагтай дэлхийн хамгийн "нарийхан" бэлхүүсний эзэн бөгөөд 1937 онд төрсөн тэрээр 38.1 см бэлхүүстэй юм. Түүний тухай баримтат киног "Tha National Geographic" телевизээс үзэгчдийн хүртээл болгож байсан ба Кейтиг  "Корсетны хатан"  хэмээн өргөмжилдөг байна. 





Хэлэн дээрх хамгийн олон "персинг"
Америкийн Франческа Вакка нь 2012.02 сард Гиннесийн дэлхий дээд амжилтууд номд бүртгэгджээ. Тэрээр хэлэндээ хамгийн олон персингтэй хүнээр нэрлэгдсэн ба амжилтаа бататгаад тун удалгүй персингүүдээ авахуулжээ. Учир нь тэрээр одоо 16 персингийнхээ тоог дахин хоёр дахин ихэсгэх төлөвлөгөөтэй байгаа гэнэ. 






Мөсөн хүн "Уим Хоф"
Мөсөөр дүүргэсэн шилэн хоргонд 1 цаг 52 мин 42 секунд сууна гэдэг хэр баргийн хүнээс гарах тэсвэр тэвчээр биш гэлтэй. "Мөсөн хүн" хэмээн алдаршсан Недерландын "чийрэг эр" Уим ийнхүү "Гиннесийн дэлхийн дээд амжилтууд" номд бүртгэгджээ. 





Хамгийн урт "хөл" 
Одоогоор Виржиниагийн нэгэн сургуульд сагсан бөмбөгийн багш, дасгалжуулагчаар ажиллаж байгаа ОХУ-ын иргэн Светлана Панкратова бол длхийн хамгийн урт хөлтэй эмэгтэй юм. Түүний биеийн өндөр 1.9м бөгөөд хөл нь 1.3м ажээ. Светлана 46 размерийн гутал өмсдөг бөгөөд 1971 онд төржээ.





00 суултуур "бут цохигч" 
Энэхүү хачирхалтай амжилтыг фитнессийн дасгалжуулагч Кевин Шелли тогтоосон ба тэрээр нэг минутад хамгийн олон буюу 46 ширхэг 00 суултуурыг толгойгоороо хагалж дээд амжилт тогтоожээ.





Хамгийн "намхан" машин 
"Гиннесийн дэлхийн дээд амжилтууд - 2013" номд бүртгэгдсэн энэ машиныг Японы "Окаяама Санёо" ахлах сургуулиййн багш сурагчид хамтран хийсэн бөгөөд "Мирай" буюу "Ирээдүй" хэмээн нэрлэжээ. Энэ машин нь ердөө 45 см өндөр ажээ. 






Хамгийн "үнэтэй" виски 
Шотландын алдарт "The Macallan" брэндинй 64 жилийн түүхт "Lalique , Cire Perdue" савлагаа бүхий энэхүү вискиг дуудлага худалдаагаар арилжаалагдсасн дэлхийн хамгийн үнэтэй виски хэмээгдэж "Гиннесийн дэлхийн дээд амжилтууд" номд оржээ. Энэ нь $460.000 доллараар худалдаалагдсан юм байна.






Дэндүү "бүлтгэр" нүд 
Чикаго хотноо амьдардаг Ким Гүүдман гэх энэ эмэгтэй нүдээ 12 мм бүлтийлгэж чаддаг "хачирхалтай" чадвараар Гиннесийн дэлхийнг дээд амжилтын эзэн болжээ. Анхны хэмжилтийг 1998 онд хийхэд 11мм байсан бол 2007 онд Истанбул хотод дахин хийсэн хэмжилтээр 12 мм ил гаргадаг болжээ. 




Хамгийн их сунадаг "арьс"
Гиннесийн дэлхийн дээд амжилтын ээлжит эзэн Гарри Тёрнер нь генийн маш ховор Элерс Данлосын эмгэгээр өвчилсөн нэгэн юм. Энэ нь хүний биеийн арьсны бүтцийг эвдэж улмаар сулбайлгаж унжгар болгодог эмгэг юм. 3 , 4 настайгаасаа энэ өвчинд нэрвэгдсэн тэрээр дэлхийг тойрч сонирхолтой циркийн үзүүлбэр үзүүлдэг бөгөөд арьсаа 15.8 см сунгаж энэхүү номд бүртгэгдсэн гэнэ. 

Илгээх | 281 хүн уншсан | Бичсэн: Nomuna Nona

Сэтгэгдэл бичих

Сэтгэгдэл (0) | :